ფარის თემის, სოფ. სვიფში არის წმინდა გიორგის სახელობის ეკლესია, რომელიც გადმოცემისთანახმად აშენებულია ჩხეტიანების გვარის მიერ, ისინი სვიფში ცხოვრობენ მე-8 საუკუნიდან,თვით ეკელსია აშენებულია მე-9 საუკუნეში.
სვიფის ეკლესია ბაზილიკაა, ის აკურთხეს მე-10 საუკუნეში.ეკლესია ულამაზესი და უძველესი ფრესკებითაა მოხატული.
დასავლეთიდან შესასვლელი კარი ხარატოვანია, შემკობილია მრავალი საუცხოო ჩუქურთმებიანი რგოლით და ერთ-ერთ მათგანში ასომთავრული წარწერაა:
" წმინდაო გიორგი,მეოხ ეყავ წინაშე ღვთისა სულისა გაბოისა,ამინ"
"დიდო მთავარ მოწამეო,
წმინდაო გიორგი ცხუფისავ,
მეოხ და მფარველ ექმენ ორთავე
შინა ცხორებათ მამკობთა შენთა
ხევთ მაილელთა,ამინ"
ამ მინაწერით დასტურდება, რომ ფარის თემის უძველესი, ისტორიული სახელია მაი.
საყურადღებო ფაქტია ისიც,რომ ეკლესიაში არსებულ ხატთაგან ერთ-ერთზე,გაბრიელ მთავარანგელოზის ხატზე,ქვემო არშიაზე არის ასომთავრული წარწერა:
"წმინდა გაბრიელ მთავარ ანგელოზო
მეოხ დამფარველ ექმენ მამკობსა შენს ხევს სუფსა"
აქ სვიფი მოიხსენიება არა როგორც სოფელი,არამედ როგორც ხევი,რაც იმაზემიუთითებს რომ ეს სოფელი ძველად ძლიერ და მრავალრიცხოვან დასახლებას წარმოადგენდა.
ამჟამად ეკლესიაში ყოველ გიორგობას უამრავი მომლოცველი იყრის თავს, სვანეთის ყველა სოფლიდან მოდიან შესაწირით წმ.გიორგისადმი და მას მფარველობას შესთხოვენ.წმ.გიორგის ეკლესიაში დაცული წმ.გიორგის ოქროს ხატი გადმოცემის თანახმად სასწაულმოქმედია.განსაკურთრებული საქმეები ,რომელიც ირჩევა სვანური სამართლით,
სწორედ ამ ხატზე დაფიცებით წყდება. მოსისხლე მტრები სწორედ ამ ხატთან დაფიცების შემდეგ ხდებიან ერთმანეთის ერთგულები სიკვდილამდე.ხალხს ჯერა ამ ხატის სასწაულის, ამიტომაც ის მთავარ მფარველად ითვლება ფარის თემისა.
მიაქვთ" ბინი" ეკლესიაში.
ზურგით ამოუტანია ვინმე ხაბნა ვიბლიანს და შუწირავს ეკლესიისთვის, რომელსაც სახლში მისვლისთანავე თავის საკარცხულში აღმოხდა სული.
No comments:
Post a Comment